Dee woto u di buku aki

Hii juu dee dinima u Jehovah bi ta si kanda kuma wan fanöudu soni a di dini di de ta dini Jehovah. Ma hii fa a dë sö, tökuseei a sa ta taanga da so sëmbë u kanda a wotowan fesi. Unfa u sa kanda gafa Jehovah söndö fëëë? Di woto aki o lei u faandi mbei u musu ta kanda ku piizii da Jehovah, söseei a o lei u wanlö soni di sa heepi u fuu ko sa’ u kanda möön bunu.

U sa lei sömëni soni a di seti di de bi seti dee lowema foto a Isaëli. Te joo luku di fosu woto, nöö luku unfa wan sëmbë di du wan gaan zöndu, sa go suku heepi a Jehovah a di ten aki. Te joo luku di u tu woto, nöö luku unfa u sa djeesi Jehovah a di da di a ta da sëmbë paadon, a di fasi fa a ta si di libi, söseei a di du di a ta du soni a wan leti fasi.

Dee tu woto aki ta taki soni u di biifi di Gadu bi mbei Paulosu sikifi manda da dee Keesitu sëmbë u Kolosën. Di fosu woto ta taki andi u musu du te u ta jei sëmbë ta taki soni di dee sëmbë u di goonliba aki lo’ u taki. Di u tu woto ta taki unfa u sa köni be wa du soni di sa tapa u fu wa feni dee gaan bunu di Jehovah kë da u.