Andi di Könuköndë u Gadu o du ku di feti di sëmbë ta feti?

Daka fu daka feti ta feti a goonliba. Di soni aki ta tja pena ku fuka ko da sëmbë gaanfa seei. Luku wantu soni di de sikifi aki:

• „A di jaa di pasa, gaan hia sëmbë lasi libi u feti hedi, möönmöön a Etiopia ku Ukalaini. Sëmbë an bi dëdë hia sö u feti hedi a wan kodo jaa dendu jeti sensi di jaa 1994.”​—Peace Research Institute Oslo, 7 u höndima-liba u 2023.

• „Di feti di ta feti a Ukalaini da wan u dee sömëni feti di ko möön hogi sensi di jaa 2022. Te u luku fa soni bi waka a hii së u goonliba a di jaa di pasa, nöö u ta si taa dee hogi di sëmbë du u politiki soni hedi bi dë 27 procent möön hei möön di jaa nëën fesi. Söwan 1700 milion sëmbë fii di pen di di soni dë tja ko.”​— The Armed Conflict Location & Event Data Project (ACLED), 8 u bakajailiba u 2023.

Di Bëibel ta lei u taa soni o tooka. A ta piki u taa „di Gadu u liba ala o seti wan könuköndë di an o booko wan daka” (Daniëli 2:44). Te di Könuköndë dë o tii, nöö Gadu o „mbei feti kaba a goonliba palalaa te dou.”​—Psalöm 46:9.