Fasi fa u sa paati di Waktitoren ku dee brochure fuu

Fa u sa bigi Bëibel studie a di fosu sata u ëlufumu-liba

„Te wan lobiwan fuu dëdë, nöö u bi o kë si sö wan sëmbë baka, na sö u? [Da di sëmbë pasi faa piki.] Hia sëmbë ta feni kötöhati a di paamusi di sikifi a Bëibel taa dëdë sëmbë o weki baka. [Lesi Johanisi 5:28, 29 ku palaglaaf 16, 17 u bladsëidë 81, 82 u di Bëibel lei buku.] A di woto aki joo feni dee piki u dee hakisi aki. Lei di sëmbë dee hakisi dee dë a bigi u bladsëidë 74.

A Waktitoren 1 november

„I hakisi iseei wan daka kaa faandi mbei sömëni hogi soni ta pasa a goonliba u? [Da di sëmbë pasi faa piki.] Di Bëibel ta konda da u na Akoalimbo 12:9, faandi mbei hogi soni ta pasa. [Lesi ën.] Vers 12 ta da u houpu [Lesi Akoalimbo 12:12.] Abitimöön Saatan an o sa ta mbei sëmbë ta du hogi möön. Di pisi aki, ’U musu fëëë Saatan ö?’ ta lei u unfa u sa tjubi useei nöunöu kaa sö taa Saatan an sa abi kaakiti a u liba. Söseei a ta piki u andi o pasa ku Saatan a di ten di ta ko. Wë mi kë da i di buku aki.”

BROCHURE: Dee dëdë sëmbë

„A di ten aki hia sëmbë lo’ u taki soni u taku jeje. Dee avo fuu dee dëdë sa heepi u ö? Unfa i pakisei? [Da di sëmbë pasi faa piki.] Hia woto dë a Bëibel di ta lei u taa hii juu dee taku jeje ta suku u du hogi ku sëmbë. [Lesi Mateosi 9:32, 33 di dë a bladsëidë 11.] Andi u sa du u tjubi useei sö taa dee taku jeje an feni u du hogi? [Da di sëmbë pasi faa piki.] De mbei di buku aki u heepi sëmbë di kë tjubi deseei u taku jeje an feni de du hogi.”