I ta wooko ku JW Library ö?

JW Library da wan app di sa heepi i fii sa download buku ku woto soni. I sa download di Bëibel, fëlön, ku soni di i sa haika, buta a di tëlëfön, di tablet, nasö di computer fii.

NAASË I SA FENI ËN: Go a Internet, nöö i go a wan app store, nöö i download ën. I sa download di app aki buta a hii pei tëlëfön nasö a hii pei tablet. Te i dë a Internet, nöö jabi di app, nöö i download di soni di i kë. Ee ja abi Internet a wosu, nöö i sa du ën te i dë a di Könuköndë zali, nasö a wan woto kamian ka Internet dë. Te i download dee soni dee i kë kaa, nöö ja abi Internet fanöudu möön fii sa wooko ku de. Ma u di hii juu de ta buta njunjun soni ko a JW Library, mbei i musu nango a Internet fii sa feni di möön njunjun wan u di app di ko.

FAANDI MBEI U MUSU ABI ËN? I sa wooko ku JW Library u lei iseei soni u Bëibel. I sa wooko ku ën te i dë a komakandi tu. Söseei i sa wooko ku ën a di peleikiwooko, möönmöön te i feni wan okasi u peleiki da wan sëmbë di i miti.