„Hii juu u musu ta pakisei dee soni aki”

Andi i musu ta pakisei? Filipi 4:8 taki taa u musu ta pakisei soni di tuu, dee soni dee dë fanöudu, dee soni dee dë leti, dee soni dee dë gbelingbelin a Gadu wojo, dee soni dee dë u lobi, ku dee soni dee dë u kai gaan soni. Ma di soni aki an kë taki taa Keesitu sëmbë musu ta pakisei soni u di Bëibel nöö. Ma dee soni dee u ta pakisei musu ta kai ku Jehovah. Wa musu ta pakisei soni di o mbei a taanga da u fuu hoi useei a Jehovah.​—Ps 19:14.

U musu ta mbei möiti u na ta pakisei soni di an bunu. U musu ta feti ku dee taku hangi dee sa ko a u hati, söseei ku Saatan, „di gadu u di goonliba aki” (2Ko 4:4). U di hën ta tii di goonliba aki, mbei gaansë u dee soni dee u ta si a teefei, a Internet, dee u ta lesi a buku nasö a kolanti, ku dee u ta jei a ladio, ta dë soni di an bunu. Ee wa ta köni ku dee soni dee u ta luku nasö ta haika, nöö a sa poi u fusutan, nöö te u kaba fëën, wa o ta tja useei a wan bunu fasi möön.​—Jak 1:14, 15.

LUKU DI FËLÖN KÖNI KU SONI DI SA MBEI JA HOI ISEEI A JEHOVAH​—POKU, FËLÖN, KU WOTO SONI DI NA FITI, BAKA DI DË, NÖÖ PIKI DEE HAKISI AKI:

• 

  Andi di baaa bi ta luku a di tëlëfön fëën, nöö unfa di soni dë bi abi kaakiti nëën liba?

• 

  Unfa di tëkisi u Galasia 6:7, 8 ku Psalöm 119:37 bi heepi ën?