Du di pioniliwooko u tja gafa ko da Jehovah

Dee Isaëli sëmbë bi sa ta gafa Jehovah u sömëni soni hedi. A bi tja de puu a Egepiti, söseei a bi heepi de u dee sodati u Falao an feni de kii! (Ëki 15:1, 2) Jehovah ta du bunu soni da dee sëmbë fëën te kuma tide jeti. Unfa u sa lei taa u dë ku tangi a hati?​—Ps 116:12.

Wan fasi fa u sa lei taa u dë ku tangi a hati, hën da te u ta du di heepi pioniliwooko nasö di kowoonu pioniliwooko. I sa begi Jehovah faa heepi i fii kë du di pinioliwooko, söseei faa da i di kaakiti fii sa du ën (Fp 2:13). Sömëni sëmbë bi bigi du di heepi pioniliwooko. I sa taki ee joo wooko 30 juu nasö 50 juu a gaanliba ku piki-deewei-liba, ku di liba di di keling gaanwomi o ko a di kemeente fii. Te i ko si fa a suti u du di heepi pioniliwooko, nöö joo kë mbei möiti fii du di kowoonu pioniliwooko. Dee baaa ku dee sisa dee ta du di hii-ten diniwooko seei nasö dee baaa ku dee sisa dee dë ku suwaki seei ta du di heepi pioniliwooko (mwb16.07 bld. 8). Wë Jehovah hën fiti u kisi hii gafa u hii dee möiti dee u ta mbei u gafëën!​—1Klo 16:25.

LUKU DI FËLÖN DII SISA DI TA LIBI A DI KÖNDË MONGOLIA, NÖÖ BAKA DI DË, PIKI DEE HAKISI AKI:

• 

  Andi bi ta taanga da dee dii sisa, nöö andi de bi du u de bi sa du di pioniliwooko?

• 

  Un gaan bunu de feni?

• 

  Un okasi de bi feni u du möön soni da Jehovah di de bi ta du di kowoonu pioniliwooko?

• 

  Unfa di pioniliwooko di de bi ta du bi da wotowan degihati?