Suku u dou sëmbë hati

U musu piki Gadu buka ku hii u hati (Nön 3:1). Fëën mbei te u ta lei sëmbë soni, nöö u musu suku u dou de hati. Unfa u sa du ën?

Ja musu lei di Bëibel studie fii soni u Bëibel nöö, ma heepi ën be a si unfa dee soni dë sa heepi ën nëën libi, söseei unfa de sa heepi ën fu hën ku Jehovah ko dë mati. Heepi ën be a ko fusutan unfa dee wëti u Bëibel ta lei taa Gadu lobi u, fa a abi bunuhati, söseei fa a ta du soni a wan leti fasi. A wan köni fasi i musu hakisi ën soni di o heepi ën faa ko si unfa a ta pakisei u dee soni dee a ta lei. Heepi ën be a si un wini a o feni te a tooka di fasi fa a bi ta si soni, nasö te a tapa ku wan soni di a bi ta du di an bunu. Te i si fa di studie fii lobi Jehovah ku hii ën hati, nöö di soni dë o mbei i ta dë waiwai.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—FA I SA DU ËN MÖÖN BUNU​—SUKU U DOU SËMBË HATI, NÖÖ BAKA DI DË, PIKI DEE HAKISI AKI:

• 

  Faandi mbei Neeta bi hakisi Djeit ee a bi pakisei jeti u di soni di de bi taki a di munde?

• 

  Unfa Neeta bi heepi Djeit faa fusutan taa dee wëti dee Gadu buta da u ta lei taa a lobi ën?

• 

  Unfa Neeta bi heepi Djeit faa go pakisei luku unfa a sa lei taa a lobi Gadu?