Wan apaiti peleikiwooko o du a wajamaka-liba u mbei sëmbë ko sabi di Könuköndë u Gadu!

A wajamaka-liba, woo mbei hii möiti u mbei sëmbë ko sabi taa di Könuköndë u Gadu hën da di wan kodo tii di o puu hii dee fuka u libisëmbë (Mt 24:14). Unfa i sa du ën? Pooba u ta lesi wan tëkisi di ta taki soni u di Könuköndë u Gadu da hii sëmbë di joo ta miti di liba dë. Ee wan sëmbë kë sabi möön soni, nöö dëën Di Hei Wakitimawosu nö. 2 u 2020. Baka di dë, toona go luku ën hesihesi baka, nöö pooba u bigi wan Bëibel studie ku ën ku di brochure I sa dë waiwai u teego! Hii dee sëmbë dee o du di heepi pioniliwooko a wajamaka-liba, sa peleiki 15 nasö 30 juu.

Abiti möön di Könuköndë u Gadu o puu hii dee woto tii a pasi, dee ta hopo fia ku ën (Da 2:44; 1Ko 15:24, 25). Boo mbei hii möiti fuu wooko fajafaja a di apaiti okasi aki fuu lei taa u ta tei di së u Jehovah ku di Könuköndë fëën!