Ambë da dee felantima u Gadu?

Di möön gaan felantima u Gadu hën da Saatan Didibi. A dë wan jeje di bi hopo feti ku Jehovah. Saatan ta feti ku Jehovah jeti, nöö a ta mbei taa gaan hogi soni ta miti sëmbë. Saatan abi hogihati. A dë wan lëgëdëma, a ta mindi soni, söseei a dë wan kiima tu.​—Johanisi 8:44.

Woto jeje hoi baka da Saatan, u feti ku Gadu. Bëibel ta kai de taku jeje. Leti kuma Saatan, dee taku jeje seei dë felantima u libisëmbë. De lo u du hogi ku sëmbë (Mateosi 9:32, 33; 12:22). Jehovah o kii Saatan ku dee taku jeje fëën u teego. Pikisö ten nöö fika da de u du hogi ku libisëmbë.​—Akoalimbo 12:12.

Ee i kë dë wan mati u Gadu, nöö ja musu du dee soni Saatan kë taa i musu du. Saatan ku dee taku jeje fëën buuse Jehovah. De dë felantima u Gadu, nöö de kë i toon felantima u Gadu tu. I musu sabi ambë hati i kë piizii, Saatan nasö Jehovah. Ee i kë libi u teego, nöö i musu du dee soni Gadu kë. Saatan aa sömëni taapu u kisi sëmbë ku sömëni fasi u ganjan sëmbë. A ta ganjan di möön gaansë pisi u sëmbë.​—Akoalimbo 12:9.