• Di Gaan Wata—Ambë bi haika? Ambë an bi haika?
    Haika Gadu nöö joo libi u teego

    • PISI 5

      Di Gaan Wata​—Ambë bi haika? Ambë an bi haika?

      Gaansë u dee sëmbë u di ten u Noa bi ta du hogi. Kenesesi 6:5

      Dee ëngëli bi ko a goonliba aki ko tei mujëë u libi ku de

      Adam ku Eva bi pai miii, nöö sëmbë bi ko hia a goonliba. Bakaten, so u dee engel bi tei di së u Saatan di a hopo fia ku Gadu.

      De bi ko a goonliba, hën de bia tei libisëmbë sinkii u de bi sa toou ku mujëë. Dee mujëë bi pai womi mii di bi ko dë gaan sinkii womi di bi hogi seei, nöö de bi taanga tu.

      wan mujëë hoi di mii fëën a maun, nöö wan womi mii ta naki ën; dee Neifilim, dee womi mii u dee hogi ëngëli, ta du hogihati soni

      Goonliba bi ko fuu ku sëmbë di bi ta du hogi. Di Bëibel taa: „Di hogilibi u libisëmbë bi ko fuu goonliba, nöö hii juu hogi nöö a bi ta pakisei nëën hati.”

      Noa bi haika Gadu, hën a mbei wan ark. Kenesesi 6:13, 14, 18, 19, 22

      Noa bi ta piki Gadu buka

      Noa bi dë wan bunu womi. Jehovah bi piki Noa taa a bi o tja wan gaan wata ko kii dee hogi sëmbë puu.

      Noa ku dee sëmbë fëën wosudendu ta mbei di ark

      Söseei Gadu bi taki da Noa taa a bi musu mbei wan gaan gindi boto, di de ta kai wan ark, nöö naandë a bi musu tja di wosudendu fëën ku hii pei mbeti go.

      Noa ta bai dee sëmbë da di Gaan Wata di o ko, ma dee sëmbë ta lafu ën

      Noa bi ta bai dee sëmbë taa di Gaan Wata bi o ko, ma de an bi ta haikëën. So sëmbë bi ta lafu Noa, wotowan bi ta buuse ën.

      Noa ku dee sëmbë fëën wosudendu bi ta tja dee mbeti go a di ark dendu

      Di de kaba mbei di ark, hën Noa tja dee mbeti go nëën dendu.

  • Andi u ta lei a di Gaan Wata di bi ko?
    Haika Gadu nöö joo libi u teego

    • PISI 6

      Andi u ta lei u di Gaan Wata di bi ko?

      Gadu bi kii dee hogi sëmbë, ma a bi tjubi Noa ku ën wosudendu. Kenesesi 7:11, 12, 23

      Di ark dë a di wata liba, dee hogihati sëmbë ta saka go a basuwata, nöö dee hogihati ëngëli nango disa di libisëmbë sinkii di de bi ko tei a goonliba aki

      Tjuba bi kai gbulululu 40 daka, ndeti ku didia, nöö di wata bi singi hii di goonliba tuu piii. Hii dee hogi sëmbë bi dëdë.

      Dee hogi engel bi tuwë di libisëmbë sinkii u de disa, hën de ko toon taku jeje.

      Noa ku dee sëmbë fëën wosudendu ku dee mbeti, ta kumutu a di ark, nöö de ta si wan mutjama a liba

      Dee sëmbë dee bi dë a di ark dendu bi pasa libilibi. Hii fa Noa ku ën wosudendu dëdë bakaten, tökuseei Gadu o tja de ko a libi baka u de sa libi u teego.

      Gadu o kii dee hogi sëmbë möön, nöö a o tjubi dee bunuhati sëmbë. Mateosi 24:37-39

      Saatan ku dee taku jeje ta wooko ku peipei soni u ganjan sëmbë

      Saatan ku dee taku jeje ta ganjan sëmbë go dou.

      Kumafa a bi dë a di ten u Noa, sö nöö sömëni sëmbë ta tuwë di lobihati tii u Jehovah disa a wan së. Abiti möön Jehovah o kii hii dee hogi sëmbë puu.​—2 Petuisi 2:5, 6.

      Dee Jehovah Kotoigi ta peleiki da wan womi ku di Bëibel; wan womi ta lesi di Bëibel

      So sëmbë dë kuma Noa. De ta haika Gadu, nöö de ta du dee soni a ta taki. Dee sëmbë dë da dee Jehovah Kotoigi.