• Ambë Jesosi bi dë?
    Haika Gadu nöö joo libi u teego

    • PISI 7

      Ambë Jesosi bi dë?

      Jehovah bi manda Jesosi ko a goonliba. 1 Johanisi 4:9

      Jesosi dë a di letisë maun u Gadu a liba ala

      Ee u kë taa Jehovah feni u bunu, nöö u musu haika wan woto apaiti sëmbë tu. Gaanduwe ufö Jehovah mbei Adam, a bi mbei wan makiti jeje a hemel.

      Malia di a bi dë ku bëë, söseei baka di a bi pai Jesosi

      Bakaten, Jehovah bi mbei de pai di womi mii aki a Betelehem. Wan mujëë de kai Malia, di an bi duumi ku womi wan daka, bi pai di mii dë. De bi kai ën Jesosi.​—Johanisi 6:38.

      Jesosi ta lei sëmbë soni u Jehovah

      Di Jesosi bi dë a goonliba, a bi söi fa a bi abi dee fasi u Gadu. A bi a’ bunuhati u sëmbë, a bi lobi sëmbë, nöö sëmbë bi lo’ u go nëën tu. An bi ta fëëë u lei wotowan soni u Jehovah.

      Jesosi bi ta du bunu soni, ma de bi buuse ën. 1 Petuisi 2:21-24

      Jesosi ta weki wan mujëë mii ko a libi baka, söseei a ta kula wan suwakima

      Dee hedima u keiki bi buuse Jesosi biga a bi ta puu dee falisi lei ku dee taku fasi u de ko a döö.

      Söseei Jesosi bi ta kula siki sëmbë, nöö a bi weki so sëmbë di bi dëdë tu.

      De fon Jesosi, hën de kii ën bakaten

      Dee hedima u keiki bi mbei dee Loomë sëmbë fon Jesosi, nöö de mbei de kii ën tu.

  • Andi di dëdë u Jesosi kë taki da i?
    Haika Gadu nöö joo libi u teego

    • PISI 8

      Andi di dëdë u Jesosi kë taki da i?

      Jesosi dëdë sö taa u sa libi. Johanisi 3:16

      Wan mujëë ta luku di kamian ka de bi bei Jesosi

      Dii daka baka di Jesosi dëdë, wan tu mujëë bi go a di geebi ka de bi bei ën, ma na wan soni bi sai dë möön. Jehovah bi weki Jesosi puu a dëdë.

      Jesosi ko a dee apösutu fëën, hën bakaten a toona go a Gadu köndë ala

      Bakaten, Jesosi bi mbei dee apösutu fëën si ën.

      Awa, Jehovah bi weki Jesosi baka faa libi kuma wan makiti jeje di an sa dëdë möön. Dee bakama u Jesosi bi si fa a bi ta hopo sii go a hemel.

      Gadu weki Jesosi baka, nöö a butëën kuma Könu u di Könuköndë u Gadu. Daniëli 7:13, 14

      Jesosi dë a di könubangi fëën a liba ala ta tii libisëmbë a wan paladëisi a goonliba aki

      Jesosi tuwë di libi fëën u paka di lusupaima da libisëmbë (Mateosi 20:28). Di lusupaima dë, hën mbei taa Gadu sa da u di libi u teego.

      Jehovah buta Jesosi kuma Könu u tii hii di goonliba. Hën ku 144.000 sëmbë di hoi deseei a Gadu, nöö di toona weki u go libi a hemel, o tii makandi. Jesosi ku dee 144.000 sëmbë o dë makandi a di bumbuu tii u Gadu di dë a hemel. Hën da di Könuköndë u Gadu.​—Akoalimbo 14:1-3.

      Di Könuköndë u Gadu o mbei taa di goonliba toon wan paladëisi. Feti, hogidu, pooti fasi, ku gaan hangi an o dë möön. Sëmbë o dë ku piizii seei.​—Psalöm 145:16.