Gadu ta haika dee begi fuu. 1 Petuisi 3:12

Jehovah da di „Sëmbë di ta haika begi” (Psalöm 65:2). A kë fuu ta fan ku ën ku hii u hati.

Begi Jehovah. Ja musu begi na wan woto sëmbë.

U sa begi u sömëni soni. 1 Johanisi 5:14

Begi be di kë u Gadu pasa a hemel ku goonliba.

Hakisi Jehovah be a heepi i fii ta du bunu. I sa begi söseei u njanjan, wooko, tankamian, koosu ku söseei fii abi wan bunu gösöntu.

Begi a di në u Jesosi. Di soni dë ta lei taa i ta si di soni a du da i kuma wan gaan soni.

Lobi hën ta mbei taa wan wosudendu libi suti. Efeise 5:33

Gadu kë taa wan womi ku wan mujëë musu toou ee de kë libi ku deseei.

Wan womi di lobi ën mujëë ta libi bunu ku ën, nöö a ta fusutëën tu.

Wan mujëë musu ta wooko makandi ku ën manu.

Miii musu ta piki dee gaan sëmbë u de buka.

I musu lobi sëmbë, nöö i musu dë u futoou tu. Ja musu abi takuhati, nöö ja musu booko dee buka i mbei. Kolosën 3:5, 8-10

Di Wöutu u Gadu taki taa wan womi musu lobi ën mujëë kuma hënseei sinkii, nöö wan mujëë musu a’ gaan lesipeki dëën manu.

An bunu u duumi ku wan mujëë nasö wan womi boiti di wan di i ku ën toou. Söseei an bunu u abi möön leki wan mujëë nasö möön leki wan manu.

Di Wöutu u Jehovah ta lei u fa dee sëmbë u wan wosudendu sa abi wan suti libi.