Kule da soni di an bunu. 1 Kolenti 6:9, 10

Ee u lobi Jehovah, nöö wa o du soni di a ta buuse.

Jehovah an kë taa u fufuu, an kë taa u bebe daan dööngö nasö taa u ta tei drugs.

Gadu ta buuse ën te sëmbë ta kii wotowan, te de ta puu bëë, nasö te womi ta tei woto womi nasö te mujëë ta tei woto mujëë. An kë fuu a’ langahati, nöö an kë fuu ta feti ku wotowan tu.

Wa musu dini taku gadu nasö mbei obia.

Sëmbë di ta du dee lö hogi soni dë, an o sa libi a di Paladëisi di o ko a goonliba aki.

Du bunu. Mateosi 7:12

Ee u kë Gadu feni u bunu, nöö u musu mbei möiti u dë kuma ën.

U musu lobi wotowan, u musu libi bunu ku de, nöö u musu lobi u da wotowan soni tu.

Na ganjan sëmbë.

Abi tjalihati, nöö da wotowan paadon tu.

Konda soni u Jehovah ku dee fasi fëën da wotowan.​—Jesaaja 43:10.

Tei Gadu së. 1 Petuisi 5:6-9

Koti pasi da guwenti di an ta kai ku Bëibel. I musu a’ hati u du sö.

Na mökisi iseei ku dee politiki soni u köndë, biga de an ta hoi baka da Jehovah ku di Könuköndë fëën.

Di möön bunu soni di i sa du, hën da haika Gadu. Mateosi 7:24, 25

Nama ku Jehovah Kotoigi. De o heepi i fii ko zuntu ku Gadu.

Tan lei soni u Gadu, nöö mbei möiti u hoi dee wëti fëën.

Te di biibi fii ko taanga, nöö i musu buta i libi a Jehovah maun nöö i tei dopu.​—Mateosi 28:19.

Haika Gadu. Lesi di Bëibel, nöö hakisi dee Jehovah Kotoigi be de heepi i fii fusutëën. Nöö du dee soni i lei. Te i du sö, nöö joo libi u teego.​—Psalöm 37:29.