DI LIBI FUU KUMA KEESITU SËMBË
Libi a wan fasi di ta tja gafa ko da Jehovah!
Di libi da wan gaan dii kado. Di fasi fa u ta wooko ku di kado aki ta lei unfa u ta tei ën u bigi tjika. U kuma Jehovah Kotoigi ta mbei möiti u gafa Jehovah, söseei u santa di në fëën ku dee soni dee u sa’ u du, u di hën da di Sëmbë di da u libi (Ps 36:9; Ako 4:11). Ma tökuseei dee bookohedi dee u ta abi hiniwan daka a di hogi goonliba aki sa mbei wa buta di dini u Jehovah a di fosu kamian a u libi möön (Mk 4:18, 19). Hiniwan fuu musu hakisi useei dee soni aki: ’Mi ta da Jehovah dee möön bunu soni dee mi abi tuutuu ö?’ (Ho 14:2) Di wooko u mi ta tapa mi u ma ta du soni di nama ku di dini u Jehovah u? Un maaka mi buta di mi kë dou a dini u Jehovah? Unfa mi sa du möön a di peleikiwooko? Ee i si taa i sa tooka so soni a i libi, nöö begi Jehovah be a heepi i, nöö i tooka dee soni dë. I musu abi di futoou taa te i ta gafa Jehovah hiniwan daka, nöö joo abi wan piizii libi!—Ps 61:8.
Ambë i ta wooko da ku dee soni dee i sa’ u du?
LUKU DI FËLÖN DINI JEHOVAH KU DEE SONI DEE I SA’ U DU, BAKA DI DË NÖÖ UN PIKI DEE HAKISI AKI:
Faandi mbei an dë wan köni soni u tei dee soni dee i sa’ u du u go ta wooko da di goonliba u Saatan? (1Jo 2:17)
Un gaan bunu dee sëmbë dee ta da Jehovah dee möön bunu soni dee de abi ta feni?
Un wooko i bi o kë du a di ölganisaasi u Jehovah?