Tooka dee fasi dee un bi abi fosu, nöö un ko dë njunjun sëmbë di abi njunjun fasi

3:5-14

I bi tooka sömëni u dee fasi dee i bi abi di i ko a di tuutuu lei ö? I sa dë seiki taa Jehovah bi wai ku i u di möiti di i bi mbei (Eze 33:11). Ma tökuseei, a dë fanöudu fuu ta mbei möiti fu wa ko abi dee awoo fasi fuu möön, söseei fuu ta lei taa u abi njunjun fasi. Piki dee hakisi aki fii sa ko sabi andi ku andi i musu tooka jeti:

• Ee wan sëmbë du wan soni ku mi, nöö mi ta hoi ën a bëë nöömö u?

• Mi ta lei taa mi abi pasensi aluwasi mi ta biinga u go a wan kamian nasö aluwasi mi wei ö?

• Ee wan taku pakisei ta ko a mi hati, mi ta suku u puu ën wantewante u?

• Mi abi wan föutu pakisei u sëmbë u wan woto föluku nasö u wan woto nasiön u?

• Dee daka pasa aki mi bi fan ku sëmbë a wan fasi di an bunu ö, nasö hati u mi bi boonu ku wan sëmbë sö tee taa ma bi sa duwengi miseei ö?