Andi i sa lei a dee Keesitu sëmbë dee ta dini Jehovah sömëni jaa kaa?

A dee kemeente fuu u abi sëmbë di ta dini Jehovah sömëni jaa longi kaa. U sa lei soni a de u di fasi fa de ta futoou Jehovah. U sa hakisi de u dee soni dee pasa a di ölganisaasi u Jehovah ku dee soni dee bi miti de, söseei u sa hakisi de unfa Jehovah bi heepi de u de pasa dee bookohedi u de. U sa kai wan u dee sëmbë aki u ko a di Wosudendu Dini fuu, nöö u hakisi ën u konda woto da u.

Ee i da wan Keesitu sëmbë di ta dini Jehovah sömëni jaa kaa, nöö konda da dee njönkuwan unfa Jehovah bi heepi i. Jakopu ku Josëfu bi ta konda da dee mii u de andi ku andi Jehovah bi du da de (Ke 48:21, 22; 50:24, 25). Bakaten, Jehovah bi kë u dee hedima u dee wosudendu ta konda da dee mii u de andi da dee gaangaan soni dee a bi du (Det 4:9, 10; Ps 78:4-7). A di ten aki, dee mama ku dee tata ku dee woto sëmbë a di kemeente sa konda da dee njönkuwan un gaan soni de bi si taa Jehovah du a di ölganisaasi fëën.

LUKU DI FËLÖN DE BI SÖLUGU TAA WAN FASI DË HII FA DI WOOKO BI TAPA, NÖÖ BAKA DI DË, PIKI DEE HAKISI AKI:

• Unfa di bëikantoo u Oostenrijk bi heepi dee baaa ku dee sisa fuu a so u dee köndë ka di wooko fuu bi tapa?

• Andi dee baaa ku dee sisa u dee köndë aki bi du u di biibi u de an bi ko suwaki?

• Unfa a du ko taa sömëni peleikima u di köndë Lomania bi koti paati ku di ölganisaasi u Jehovah, nöö unfa de bi toona ko a di ölganisaasi baka?

• Unfa dee woto aki mbei di biibi fii ko taanga?