Jehovah ta heepi dee sëmbë fëën

Di fosu Pasika piizii bi dë wan gaan fanöudu piizii seei. Baka di Falao bi ko sabi taa di fosu pai mii fëën bi dëdë di ndeti dë, hën a bi piki Mosesi taa: „Un kumutu a dee sëmbë u mi mindi. Unu ku hii dee woto Isaëli sëmbë sa go dini Jehovah, kumafa un bi taki” (Ëki 12:31). Jehovah bi lei taa a ta heepi dee sëmbë fëën.

Te u luku go baka a di ten di pasa, te a nama ku dee sëmbë u Jehovah a di ten aki, nöö u ta si gbelingbelin taa Jehovah ta tii dee sëmbë fëën, söseei taa a ta heepi de. Di soni aki dë u si a di museum di dë a di hedikantoo fuu ka sikifi taa: „Dee sëmbë dee ta tja di në u Jehovah.”

LUKU DI FËLÖN DI MUSEUM U WARWICK: „DEE SËMBË DEE TA TJA DI NË U JEHOVAH”, NÖÖ BAKA DI DË, PIKI DEE HAKISI AKI:

• 

  Ku un njunjun soni dee Bëibel öndösukuma bi bigi ta wooko a bigi u di jaa 1914 u mbei sëmbë bi ko ta möön biibi dee soni dee sikifi a Bëibel, nöö un wini a bi tja ko da de?

• 

  Un tesi bi ta miti de a di jaa 1916 ku di jaa 1918, nöö un soni bi ta lei taa Jehovah bi ta tii di ölganisaasi fëën?

• 

  Unfa dee sëmbë u Jehovah bi hoi dou a di biibi, hii fa sëmbë bi ta du ku de?

• 

  Un njunjun soni dee sëmbë u Jehovah bi ko fusutan a di jaa 1935, nöö un degihati di soni aki bi da de?

• Ee i bi go waka luku soni a di museum aki kaa, nöö andi i si di mbei i ta biibi taa Jehovah ta tii dee sëmbë fëën, söseei taa a ta heepi de?