Köni be ja paaja mindimindi woto

A di ten aki, nöö hesihesi seei sëmbë sa paaja wan woto a kolanti, a ladio, a teefei, nasö a Internet da milionmilion sëmbë. Dee sëmbë dee ta dini di „Gadu di ta taki tuutuu soni” an kë paaja mindimindi woto, aluwasi de an bi dë ku di pakisei dë (Ps 31:5; Ëki 23:1). Mindimindi woto sa tja hogi ko miti sëmbë. Ee i kë ko sabi ee wan soni di i jei dë sö tuutuu, nöö hakisi iseei dee soni aki:

• ’Di woto kumutu a wan sëmbë di mi sa biibi ö?’ Kandë di sëmbë di ta konda di woto an sabi fa soni pasa tuutuu. Te wan sëmbë ta konda wan woto di a bi jei, nöö a sa tooka soni a di woto, fëën mbei i musu ta köni te ja kaba sabi bigi u wan woto. U di dee sëmbë dee abi faantiwöutu a di kemeente ta piki u soni di u sa futoou, mbei de musu ta köni u de an taki wan soni ee de an öndösuku ën luku.

• ’Di woto aki o poi sëmbë në u?’ Ee a ta mbei wotowan ta bigi pakisei hogi u wan sëmbë nasö u wan kulupu u sëmbë, nöö a bi o möön bunu u na paaja ën.​—Nön 18:8; Fp 4:8

• ’A dë wan woto di mi sa biibi ö?’ I musu ta köni te i jei wan sipan woto, nasö wan woto u wan sëmbë

LUKU DI FËLÖN UNFA MI SA KÖNI U NA TA TAKI SËMBË SONI? NÖÖ BAKA DI DË, PIKI DEE HAKISI AKI:

• 

  Kumafa Nöngö 12:18 ta taki, nöö unfa dee soni di wan sëmbë taki sa du hogi tjika?

• 

  Unfa Filipi 2:4 ta heepi u fuu sabi andi u musu taki u wotowan?

• 

  Andi u musu du te wan sëmbë bigi ta taki hogi u wan woto sëmbë?

• 

  Ufö u bigi taki soni u woto sëmbë, nöö andi u sa hakisi useei?