Di soni mbei de bi ta tjuma soni kuma paima da Gadu

1:3; 2:1, 12; 3:1

Dee soni di de bi ta tja go tjuma da Jehovah kuma paima kumafa a bi sikifi a di Wëti u di buka, bi ta kai ku ën, nöö de bi ta lei go a di lusupaima di Jesosi bi o paka nasö a dee wini di di lusupaima bi o tja ko da u.​—Heb 8:3-5; 9:9; 10:5-10.

• Leti kumafa hii dee mbeti di de bi ta tja go tjuma da Gadu bi musu dë dee möön bumbuu mbeti, sö nöö Jesosi bi paka ku di telutelu sinkii fëën di an abi zöndu.​—1Pe 1:18, 19: luku di peentje a fesi u di komakandi buku

• Leti kumafa de bi ta tja wan telutelu mbeti go tjuma da Gadu, sö nöö Jesosi bi da Jehovah hii hën libi

• Leti kumafa dee sëmbë dee bi ta tja soni go tjuma da Gadu ku deseei kë u lei taa de ku ën dë bunu, sö nöö dee salufuwan dee ta njan di bëë a di Ndeti Njanjan u Masa ta lei taa de ku Gadu dë bunu tu