Dee soni dee Jehovah mbei ta mbei u ko abi möön futoou a di köni di a abi

Hii juu Jehovah ta sabi andi da di möön bunu soni da u ö? Aai! Te u ta biibi di soni aki, nöö u ta lei taa u köni, u di woo ta du andi a ta piki u (Nön 16:3, 9). Ma a sa taanga da u fuu biibi taa Jehovah sa tii u a wan bunu fasi, te di fasi fa a kë fuu du soni an ta kai ku di fasi fa u ta pakisei. U sa ko ta möön biibi di köni di Jehovah abi, te u ta pakisei fundu u dee soni dee a mbei.​—Nön 30:24, 25; Lo 1:20.

LUKU DI FËLÖN AMBË MBEI ËN? FAANDI MBEI HANSI AN TA DË A LËI TA WAKITI U DE WAKA? NÖÖ BAKA DI DË, PIKI DEE HAKISI AKI:

• Andi da wan soni di gaansë u dee hansi ta du hiniwan daka?

• Andi dee hansi ta du u de sa ta waka go dou söndö u soni tapa de?

• Andi libisëmbë sa lei a di fasi fa dee hansi ta du soni?

LUKU DI FËLÖN AMBË MBEI ËN? DI FASI FA DEE HÖNI TA BUWA, NÖÖ BAKA DI DË, PIKI DEE HAKISI AKI:

• Un bookohedi libisëmbë ta abi te de ta buwa dee piki opalani?

• Unfa a du ko taa di höni sa ta buwa aluwasi di ventu ta wai taanga?

• Un wini libisëmbë sa feni a di köni di dee höni abi?

Un soni di Jehovah mbei i ta si a di pisiwata ka i ta libi, di ta lei i unfa Jehovah köni tjika?