Ambë da Gadu?

Dusudusu jaa kaa libisëmbë ta dini sömëni gadu. Ma di Bëibel ta taki taa wan Gadu dë di „hei möön hii dee woto Gadu” (2 Kloniki 2:5). Ambë da di Gadu dë? Nöö andi ta mbei a hei möön hii dee woto gadu di sëmbë ta dini? A di woto aki, woo luku andi di Gadu aki kë fii ko sabi fëën.

1. Andi da di në u Gadu, nöö faandi mbei u dë seiki taa a kë fuu sabi di në fëën?

Gadu ta kai hën në da u a di Bëibel. A taa: „Mi da Jehovah, mi në di dë.” (Lesi Jesaaja 42:5, 8.) Di në „Jehovah”, da wan Hebelejën në di kë taki „Mi sa ko dë andi mi kë ko dë”. Jehovah kë fuu sabi di në fëën (Ëkisodesi 3:15). Unfa u du sabi di soni dë? A mbei sëmbë sikifi di në fëën buta a di Bëibel, möön leki 7000 pasi!a Di në Jehovah, da di në u „di tuutuu Gadu u liba ala ku goonliba aki”.​—Detolonomi 4:39.

2. Andi di Bëibel ta konda da u u Jehovah?

Di Bëibel ta piki u taa u hii dee gadu di libisëmbë ta dini, Jehovah da di wan kodo tuutuu Gadu. Faandi mbei? Wë sömëni soni dë di mbei. Jehovah wanwan tö da di „Kaba Heiwan u hii di mundu”. (Lesi Psalöm 83:18.) Hën da di sëmbë di abi „hii makiti a mundu”, nöö di soni dë kë taki taa a abi di makiti u du hii soni di a kë du. Hën „mbei hii soni” a liba ala ku goonliba aki tuu (Akoalimbo 4:8, 11). Jehovah da di wan kodo sëmbë di bi dë sensiten kaa, nöö a o dë u teego tu.​—Psalöm 90:2.

3. De ta kai Gadu a peipei fasi, ma a abi wan kodo në nöö

I sa kai wan sëmbë a peipei fasi, ma an dë di wan seei soni kuma te i bi o kai ën nëën në. Pëë di FËLÖN, nöö piki di hakisi aki.

FËLÖN: Sëmbë ta kai Gadu a peipei fasi, ma a abi wan kodo në nöö (0:41)

• Andi da di tooka u di wöutu „Masa” ku di në u wan sëmbë?

Di Bëibel ta lei u taa sëmbë ta dini sömëni gadu ku sömëni masa. Lesi Psalöm 136:1-3, nöö piki di hakisi aki:

• Ambë da „Gadu u dee gadu” ku „Masa u dee masa”?

4. Jehovah kë fii sabi di në fëën, söseei a kë fii ta kai ën nëën në

FËLÖN: Gadu abi wan në u?​—Di sati pisi (3:11)

• I si kuma Jehovah kë fuu sabi hën në u? Faandi mbei a kë fuu sabi ën?

Jehovah kë u sëmbë ta kai ën nëën në. Lesi Loomë 10:13, nöö piki dee hakisi aki:

• Faandi mbei u musu ta kai Jehovah nëën në?

• Unfa i ta fii te wan sëmbë an fëëkëtë i në?

• Unfa i si kuma Jehovah ta fii te i ta kai ën nëën në?

5. Jehovah kë fii ko dë hën mati

FËLÖN: Mi bi ta suku di tuutuu Gadu (8:18)

• Unfa Soten bi ta fii di a ko sabi di në u Gadu?

Ufö i ko dë mati ku wan sëmbë, nöö di fosu soni di i ta ko sabi fëën, da hën në. Lesi Jakobosi 4:8a, nöö piki dee hakisi aki:

• Andi Jehovah ta kai i fii du?

• Unfa di sabi di joo ko sabi Gadu në, söseei di kai di joo ta kai ën nëën në, sa heepi i fii ku ën ko dë mati?

ANDI I LEI?

Jehovah da di në u di tuutuu Gadu. A kë fuu ko sabi hën në, söseei a kë fuu ta kai ën nëën në fuu ku ën sa ko dë mati.

Andi i bi o piki?

• Unfa Jehovah tooka u hii dee woto gadu di sëmbë ta dini?

• Faandi mbei u musu ta kai Gadu nëën në?

• Andi ta lei taa Jehovah kë fii ko dë hën mati?

WOTO SONI DI I SA LUKU

Lesi di woto aki fii si feifi soni di ta lei u taa Gadu dë tuutuu.

„Gado de trutru?” (Woto a di website fuu)

Lesi di woto aki fii si faandi mbei u sa biibi taa Gadu bi dë sensiten kaa.

„Suma meki Gado?” (A Waktitoren, 1 u tanvuuwata-liba 2014)

Lesi di woto aki fii si faandi mbei u musu ta kai Gadu nëën në, hii fa wa sabi unfa sëmbë bi ta kai ën na awooten.

„Suma na Yehovah?” (Woto a di website fuu)

A abi toobi unfa u ta kai Gadu ö? Lesi di woto aki fii si faandi mbei u sa taki taa a abi wan kodo tuutuu në nöö.

„Omeni nen Gado abi?” (Woto a di website fuu)