DI LIBI FUU KUMA KEESITU SËMBË
Un dee mama ku dee tata, un heepi dee mii fuunu u de ko abi di koni u Gadu
Wan u dee möön bunu fasi fa mama ku tata sa heepi dee mii u de u de ko abi di koni u Gadu, hën da te de ta heepi de u feni wini u dee komakandi. Dee soni di njönkuwan ta si, ta jei, söseei dee soni di de ta taki te de ta da piki a dee komakandi sa heepi de u lei möön soni u Jehovah, söseei u ko dë wan mati fëën (Det 31:12, 13). Ee i da wan mama nasö wan tata, nöö andi i sa du u heepi di mii fii fa sa feni wini u dee komakandi?
Mbei möiti u nango a dee komakandi a di Könuköndë zali.—Ps 22:22
I musu ta da baaa ku sisa degihati a bigi u di komakandi nasö baka te di komakandi kaba.—Heb 10:25
Mbei möiti u hiniwan sëmbë a di wosudendu fii abi di buku di u ta lei soni nëën a komakandi. Ee a tëlëfön seei nasö a pampia
Heepi dee mii fii u de seeka deseei u de sa da wan piki söndö u de lesi ën langalanga kumutu a di buku.—Mt 21:15, 16
I musu ta taki bunu soni u dee komakandi, söseei u dee soni dee u ta lei ala
Heepi dee mii fii u de abi di guwenti u ta heepi seeka di Könuköndë zali, söseei u de ta fan ku dee gaan sëmbë u di kemeente
Di heepi di i musu heepi dee mii fii u de ko zuntu ku Jehovah ta tei ten ku kaakiti, nöö sö juu a sa djei kuma a taanga. Ma tokuseei i sa dë seiki taa Jehovah o heepi i.—Jes 40:29.
LUKU DI FËLÖN UN DEE MAMA KU DEE TATA, UN BUTA FUTOOU A JEHOVAH KU DI KAAKITI FËËN, NÖÖ BAKA DI DË, PIKI DEE HAKISI AKI:
Andi bi ta pasa u di Zack ku Lea bi ta wei?
Faandi mbei mama ku tata musu begi Jehovah faa da de kaakiti?
Andi Zack ku Lea bi du u lei taa de bi ta biibi taa Jehovah o heepi de?