Kumutu a di ten de pai Jesosi te dou di ten a bi dëdë

Gadu bi manda di engel Gabiëli go a wan bumbuu njönku mujëë de kai Malia. Di engel piki ën taa a o pai wan mii di o tii kuma könu u hii ten. De pai di mii Jesosi a wan mbeti wosu, nöö ala sikapuma bi go luku ën. Bakaten wan teeja tja wan lö womi kumutu a di së u sonu kumutu go dou a di mii. U ta ko sabi ambë mbei de si di teeja, söseei unfa Gadu tjubi Jesosi u de an kii ën.

Bakaten woo taki u Jesosi di bi ta fan ku dee leima a di Wosu u Gadu di a bi a’ 12 jaa. Teni-a-aiti jaa baka di dë, hën Jesosi dopu, hën a bigi pleiki u di Könuköndë, ta lei sëmbë soni. Gadu hën mandëën faa ko du di wooko dë a goonliba aki. Jesosi tei 12 womi u heepi ën ku di wooko, nöö a bi mbei de toon apösutu fëën.

Jesosi du sömëni gaan foombo wooko tu. A da dusudusu sëmbë njanjan ku wan tu piki fisi ku wan tu bëëë nöö. A kula dee siki sëmbë, nöö a weki dëdë sëmbë tu. Te u kaba fëën woo lei u dee soni di miti Jesosi a di lasiti daka di a libi a goonliba, ku unfa de kii ën. Jesosi pleiki dii jaa ku hafu. Hën da PISI 6 ta taki u soni di pasa a 34 jaa dendu.