Unfa u sa kumutu a söndu ku dëdë basu

35 I sabi jeti taa Adam, di fosu womi, bi du söndu ö? A bi lasi di libi ku di paladeisi. Hën mbei hii u tuu ta dëdë u di u da dee baka mii fëën.​—Loomë 5:12; 3:23

36 U bi sa kisi di telutelu libi baka di Adam bi lasi ee wan woto sëmbë kuma Adam bi sa dëdë dau, u puu u a dëdë basu.​—1 Kolenti 15:45; Loomë 5:19, 21

37 Jesosi bi dë di womi mii u Gadu. A bi dë wan sëmbë ku telutelu libi. An bi du söndu.​—Hebelejën 5:9; 7:26

38 A bi da pasi taa sëmbë di an bi lobi Gadu kii hën puu.​—Tjabukama 2:23

A bi dë wan paiman di hën seei bi paka dau.​—1 Timoteo 2:6

39 De bi bei Jesosi a wan sitonu baaku nasö geebi. A bi dëdë dii daka longi. Hën Gadu bi weki hën ko a libi baka.​—Tjabukama 2:24

40 Hën a toona go a liba nëën tata. A o hakisi Gadu u heepi dee sëmbë dee ta haika hën.​—Hebelejën 9:24; 1 Johanisi 2:1, 2