Obia ku wisi an bunu

Saatan kë taa i du obia wooko. Gaansë u sëmbë ta tuwë njanjan da dee gaan sëmbë u de nasö da jeje, sö taa hogi an miti de. De ta du di soni aki u di de fëëë taa jeje di aa kaakiti sa du hogi ku de. De ta buta muunga a de liba maun nasö de ta tuwë tatai a peipei kamian u de sinkii. Wotowan ta bebe deesi nasö de ta lobi soni a de sinkii, u di de mëni taa a o tapa hogi da de. So sëmbë ta bei soni nasö de ta buta soni a de wosu, u di de ta biibi taa dee soni dë sa tjubi de da hogi. Wotowan ta mbei obia deesi u di de ta biibi taa di soni dë o tja möni ko da de. Söseei de ta biibi taa a o heepi de a siköö, nasö a o heepi de u feni wan bumbuu manu nasö wan bumbuu mujëë.

Di möön bunu fasi fa i sa tjubi i seei da Saatan, hën da te i abi Jehovah kuma i mati. Jehovah Gadu ku dee ëngëli fëën aa makiti gaanfa möön Saatan ku dee taku jeje fëën (Jakobosi 2:19; Akoalimbo 12:9). Jehovah sa söi di kaakiti fëën u heepi dee sëmbë dee ta dini ën ku hii de hati. Dee sëmbë dë da mati fëën.​—2 Kloniki 16:9.

Gadu Wöutu taa: „Wa musu mbei obia.” A dë wan gaan hogi soni a Jehovah wojo te sëmbë ta mbei obia nasö wisi sëmbë, u di dee soni dë sa mbei taa wan sëmbë ko dë a Saatan basu.​—Lefitiki 19:26.