PISI 14

Unfa i sa lei taa i ta hoi iseei apaiti da Jehovah?

Tei Gadu së. 1 Petuisi 5:6-9

Wan Keesitu sëmbë an kë du soni di nama ku poipoi keiki, nasö ku politiki soni u köndë

Koti pasi da guwenti di an ta kai ku Bëibel. I musu a’ hati u du sö.

Na mökisi iseei ku dee politiki soni u köndë, biga de an ta hoi baka da Jehovah ku di Könuköndë fëën.

Di möön bunu soni di i sa du, hën da haika Gadu. Mateosi 7:24, 25

Wan womi nango a wan Könuköndë zali, nöö a ta lei soni u Bëibel ku dee Jehovah Kotoigi

Nama ku Jehovah Kotoigi. De o heepi i fii ko zuntu ku Gadu.

Tan lei soni u Gadu, nöö mbei möiti u hoi dee wëti fëën.

Wan womi ta piki Jehovah taa a ta buta hën libi nëën maun, nöö bakaten a ta tei dopu

Te di biibi fii ko taanga, nöö i musu buta i libi a Jehovah maun nöö i tei dopu.—Mateosi 28:19.

Haika Gadu. Lesi di Bëibel, nöö hakisi dee Jehovah Kotoigi be de heepi i fii fusutëën. Nöö du dee soni i lei. Te i du sö, nöö joo libi u teego.—Psalöm 37:29.