Fa i musu sikifi wan biifi

• I sa buta ka i ta dë. Ee i si kuma an dë wan köni soni fii buta di wosu nöbu fii, nöö i sa buta di nöbu u di Könuköndë zali, ee dee gaanwomi piki i taa i sa du ën. Ma NÖITI ja musu buta di nöbu u di bëikantoo fuu.

• Buta di në u di sëmbë ee i sabi ën. Di soni aki o mbei di sëmbë si taa hën i manda di biifi da.

• Buta pakisei unfa dee wöutu ta sikifi, unfa di töngö ta fan, söseei buta pakisei a dee sikifi maaka. Di biifi an musu dë fönjönfönjön, ma a musu dë seei dililii. Ee ku maun joo sikifi ën, nöö sikifi a sö wan fasi taa di sëmbë sa fusutan andi i sikifi. I musu sikifi ën a wan lesipeki fasi.

Di biifi ka i sa luku unfa i sa sikifi wan biifi, abi hii dee soni dee sikifi a liba aki. An dë fanöudu fii sikifi dee seei soni te joo sikifi wan biifi da wan sëmbë a di pisiwata fii. Sikifi soni dee nama ku di soni di i kë piki di sëmbë, söseei tooka dee soni dee dë fanöudu a di biifi, sö taa i sa hoi dee guwenti ku di fasi fa soni dë a di pisiwata u di sëmbë a pakisei.