Yob
5 Grantangi, bari suku yepi! Yu e yere wan sma e piki yu?
Na sortuwan fu den santawan yu o go suku yepi?
2 Atibron o kiri den don sma.
Dyarusu o kiri a sma di trawan man kori makriki.
4 Noiti den pikin fu den man kisi frulusu.+
Sma e kwinsi den na den portu, fu di den no abi frulusuman.
5 Den sma di de nanga angribere e nyan den sani di den koti.
Srefi na den aka pe den e anga meti, sma e teki a meti fu den.
Sma e kori den fu teki ala den sani di den abi fanowdu fu tan na libi.
6 Bika ogri no e gro komoto na doti,
Èn problema no e sproiti na gron.
7 Neleki fa a de seiker taki faya e bron,
Na so a de seiker taki a libi fu libisma lai nanga problema.
11 En na a sma di e poti den mofinawan na wan hei presi.+
Iya, den sma di e sari a e frulusu, fu di a e poti den hei.
12 En na a sma di e bruya den takru prakseri fu den koniwan,+
So taki den no man du san den ben wani.
13 En na a sma di e meki den koniwan fadon na ini den eigi trapu.+
Na so a e tapu den wantewante fu du na ogri di den ben wani du.+
14 Srefi deiten dungru gi den.
Na deiten den e firifiri na den lontu, neleki na neti den de.+
15 En na a sma di e kibri sma gi a feti-owru di de na a mofo fu den ogriwan.
En na a sma di e puru den pôtiwan na a anu fu den tranga sma.+
18 Bika a man gi sma mankeri, ma a man tai den soro fu den tu.
A man masi sma, ma nanga en eigi anu a man dresi den tu.
19 Awinsi na siksi leisi yu de na ini banawtu, toku a o frulusu yu.+
Iya, awinsi na seibi leisi yu de na ini banawtu, toku nowan ogri o miti yu.+
22 Yu o lafu te pori kon èn te angriten de.
Yu no abi fu frede den busimeti.
24 Sani o waka bun na ini yu tenti.
Te yu o go luku a gron fu yu, yu o si taki noti e mankeri.
27 Na so wi e si en, èn na so a de.
Sobun, go prakseri a tori. Dan yusrefi o si taki den sani disi tru.”