Yob

 2 „O langa yu o tan taki den sani disi?+

Den sani di yu e taki de leki wan tranga winti nomo.+

 3 Gado o krutu sani na wan kruktu fasi?+

Na Almaktiwan no o du san reti?+

 4 Efu den pikin fu yu sondu teige en,

Dan a meki den kisi pai fu na ogri di den du.

 5 Efu yu suku Gado+

Èn yu begi na Almaktiwan fu sari yu,

 6 Iya, efu yu du san soifri èn san reti,+

Dan a o luku yu.

A o seti a presi di yu abi reti na tapu, kon bun baka, èn a o de leki fa a ben de fosi.

 7 Kande yu ben pikin biginbigin,

Ma bakaten a ben o meki yu kon bigi.+

 8 Iya, go aksi den bigisma fu yu,+ grantangi,

Èn poti prakseri na den sani di den afo fu den kon sabi.+

 9 Wi na fu esde.+ Wi no sabi noti.

A libi fu wi na grontapu de leki wan skaduw.+

10 Den afo o gi yu leri èn den o fruteri yu ala sani, a no so?

Den o taigi yu ala sani krin, a no so?

11 Papirus-grasi+ man gro sondro wan swampu?

Warimbo man kon bigi sondro watra?

12 Te den e kisi bromki èn sma no hari den puru,

Den e kon drei fosi ala den tra sortu grasi.+

13 Na so a libi de fu ala den wan di e frigiti Gado,+

Èn na so a howpu fu wan sma di drai baka gi Gado, e dede gowe.+

14 Ala den sani di a ben e frutrow na tapu no de moro.

Den sani di a e frutrow na tapu de neleki wan oso di meki fu anansititei.+

15 Te a o anga na en oso, na oso o broko fadon.

A o grabu en hori, ma na oso no o tan tanapu.

16 A de leki wan bon di e kisi nofo watra nanga son.

Na ini en dyari den taki fu en e panya go na ala sei.+

17 Den rutu fu en frekti densrefi lontu wan ipi ston.

A e si wan ston oso leki en tanpe.

18 Efu wan sma rutu en puru fu en presi,+

A presi dati o strei taki a no sabi en. A o taki: ’Mi no sabi yu.’+

19 Na so a e dede gowe+

Èn trawan e bigin gro na a doti pe a ben de.

20 Gado no o drai baka gi wan bun sma

Èn a no o hori na anu fu ogriman.

21 Te fu kaba a o meki yu lafu

Èn yu o bari fu prisiri.

22 Den sma di no man si yu na ai, o weri syen leki wan krosi,+

Èn a tenti fu den ogriwan no o de moro.”