Psalm

114 Di Israel komoto na ini Egepte,+

Iya, di a famiri fu Yakob komoto gowe fu wan pipel di ben e taki wan tongo di den no ben man frustan,+

 2 Dan Yuda tron a santa presi fu en+

Èn Israel a kownukondre fu en.+

 3 Di a se si san pasa, a lowe.+

Yordan-liba bigin hari go nanga baka.+

 4 Den bergi bigin dyompodyompo lontu leki manskapu+

Èn den pikin bergi leki pikin skapu.

 5 Ai, yu se, san ben du yu taki yu lowe?+

Yu Yordan-liba, san ben du yu taki yu bigin hari go nanga baka?+

 6 Un bergi, san ben du unu taki unu bigin dyompodyompo lontu leki manskapu?+

Un pikin bergi, san ben du unu taki unu bigin dyompodyompo lontu leki pikin skapu?+

 7 Grontapu, fu Masra ede yu musu abi bigi frede,*+

Iya, fu a Gado fu Yakob ede,

 8 Di e kenki wan bigi ston kon tron wan watra-olo pe warimbo e gro+

Èn di e meki wan bigi tranga ston kon tron wan presi pe watra e komoto na ini.+