Wan singi fu den wan di e kren go na a foto.
126 Di Yehovah ben tyari den sma fu Sion di ben de na ini katibo, kon dyaso baka,+
Dan a ben de leki wi ben e dren.+
2 Na a ten dati na soso lafu wi ben e lafu+
Èn wi ben e bari fu prisiri.+
Na a ten dati den trakondre sma bigin taigi makandra:+
„Yehovah du bigi sani gi den.”+
3 Fu tru, Yehovah du bigi sani gi wi.+
Fu dati ede wi kon de nanga prisiri.+
4 Yehovah, wi e begi yu, puru wi na ini katibo èn tyari wi kon baka,+
Neleki fa watra kon de baka na ini den liba fu Negeb-sabana.+
5 Den wan di e sai siri nanga watra-ai,+
O bari fu prisiri te den e koti nyanyan.+
6 A wan di e teki wan saka nanga siri+
Èn di e go na en gron nanga krei,+
O bari fu prisiri te a e drai kon baka,+
Te a e syow den bosu aleisi fu en.+