Psalm

21 Yehovah, na fu di yu e gi a kownu krakti, meki a e prisiri.+

A o tan prisiri, fu di na yu e frulusu en!+

 2 San en ati ben wani, na dati yu gi en+

Èn san a mofo fu en ben aksi yu, na dati a kisi fu yu.+ Sela.

 3 Di yu go miti en, yu blesi en nanga furu bun sani.+

Yu poti wan kownu-ati fu soifri gowtu na tapu en ede.+

 4 Langa libi na san a aksi yu èn na dati yu gi en tu.+

Yu gi en langa libi, iya, yu gi en têgo libi.+

 5 A kisi bigi glori, fu di na yu frulusu en.+

Yu gi en furu grani èn yu meki a kisi biginen.+

 6 Yu meki taki a e kisi blesi fu têgo.+

A e prisiri srefisrefi te a e si taki yu de nanga en.+

 7 A kownu e frutrow tapu Yehovah,+

Iya, a sabi taki a Moro Heiwan o sori en bun-ati. Fu dati ede a no o naki futu.+

 8 Nanga yu eigi anu yu o grabu ala den feanti fu yu.+

Nanga yu reti-anu yu o grabu den wan di abi bita-ati gi yu.

 9 Te yu kon fu krutu den, yu o meki den kon de leki sma di den trowe go na ini wan faya onfu.+

Nanga atibron Yehovah o swari den èn faya o bron den.+

10 Yu o pori ala den pikin fu den na grontapu,+

Iya, den bakapikin fu den no o de moro na mindri libisma,+

11 Bika den suku fu du yu ogri.+

Den wani du sani di den no man du.+

12 Yu o meki den lon gowe+

Te yu span yu bo fu sutu na den tapu.+

13 Yehovah, meki sma gi yu glori fu di yu abi furu krakti.+

Wi o singi prèisesingi fu prèise a makti fu yu.+