Psalm
Wan singi fu David di sma musu memre.
38 Yehovah, mi e begi yu, no strafu mi te yu ati e bron+
Èn no piri-ai gi mi te yu de nanga faya ati.+
Den de wan hebi na mi tapu, iya, den de leki wan lai di hebi tumusi gi mi fu tyari.+
6 Mi e firi brokosaka. Mi e sari so te, taki mi boigi nanga mi fesi te na gron.+
Heri dei mi e waka lontu e sari.+
8 Mi no man firi noti moro èn mi e firi brokosaka srefisrefi.
Fu di mi geme na ini mi ati, meki mi bari tranga.+
11 Den sma di lobi mi èn den mati fu mi no wani de nanga mi, fu di mi e pina+
Èn sma di sabi mi bun, tan farawe fu mi.+
12 Ma den sma di wani kiri mi, e seti trapu gi mi+
Èn den wan di e suku fu du mi ogri, e taki lei fu mi.+
Heri dei den e sidon prakseri san den kan du fu bedrigi mi.+
13 Neleki wan dofu sma, mi ben e gi den dofusei.+
Neleki wan babaw sma, mi no ben e opo mi mofo fu taki.+
14 Mi ben e du leki mi no ben e yere den
Èn mi no ben opo mi mofo fu piki den,
16 Mi taki: „Efu yu no ben piki den, den ben o lafu mi.+
Te mi ben o degedege,+ den ben o taki dati den bun moro mi.”+