Psalm
Gi a fesiman fu den pokuman fu Nehilot. Wan singi fu David.
2 Mi Kownu+ èn mi Gado, mi e begi yu, poti prakseri te mi e bari kari yu fu yepi mi,+
Bika yu na a sma di mi e begi.+
3 Yehovah, na mamanten yu o yere mi sten.+
Na mamanten mi o taki nanga yu, dan mi o wakti fu yu piki mi.+
5 Nowan man di e meki bigi kan kon tanapu na yu fesi.+
Yu no lobi nowan sma di e du hati sani nanga trawan.+
7 Fu di yu sori mi bun-ati someni leisi kaba,+
Meki mi o kon na ini yu oso.+
Mi o boigi go na a sei fu yu santa tempel, fu di mi abi bigi lespeki gi yu.+
8 Yehovah, yu na wan Gado di e du san reti.+ Sobun, mi e begi yu fu kibri mi gi den feanti fu mi.+
Yepi mi fu waka a pasi fu yu sondro taki wan sani tapu mi.+
9 Na soso lei den feanti fu mi e lei.+
Na soso ogri den e prakseri.+
A gorogoro fu den de leki wan opo grebi.+
A tongo fu den grati.+
10 Gado o krutu den nomonomo.+
Den prakseri fu den o meki taki ogri miti den.+
Den abi furu sondu. Sobun, meki den panya go na ala sei,+
Fu di na gens den gens yu.+