Psalm

52 Yu di abi makti, fu san ede yu e dyaf fu den ogri di yu du?+

Ala ten baka Gado e sori sma bun-ati.+

 2 Nanga yu tongo di srapu leki wan nefi, yu e taki sani di e tyari bigi problema kon.+

Ala yuru yu e bedrigi sma.+

 3 Yu lobi san ogri moro leki san bun.+

Yu lobi fruteri lei moro leki fu taki sani di tru.+ Sela.

 4 Yu tongo di e kori sma,+

Yu lobi taki sani fu du trawan ogri.+

 5 Gado srefi o broko yu puru fu têgo.+

A o naki yu trowe èn a o srepi yu puru na ini yu tenti.+

A o hari yu puru na ini a kondre fu den wan di de na libi.+ Sela.

 6 Den reti-ati sma o si disi èn den o kon frede.+

Den o lafu na ogri sma.+

 7 So wan sma no e si Gado leki en fortresi.+

Ma a e frutrow na tapu den furu gudu di a abi.+

A denki taki den ogri di a e du, o yepi en.+

 8 Ma mi o de leki wan bigi olèifbon+ na ini na oso fu Gado.

Mi e frutrow na tapu taki Gado o sori mi bun-ati fu têgo, iya, fu ala ten.+

 9 Mi o prèise yu fu ala ten, fu di yu opo du wan sani.+

Fu di yu du bun, meki mi o tan frutrow na tapu yu nen, makandra nanga den wan di e tai hori na yu.+