Psalm

64 Mi Gado, mi e begi yu fu arki te mi e taki fu den broko-ede fu mi.+

Yepi mi fu no frede mi feanti di wani kiri mi.+

 2 Kibri mi gi den takru sani di den ogri sma meki mofo fu du.+

Kibri mi gi den sma di e waka kon nanga bigi babari fu du hati sani nanga mi.+

 3 Den srapu den tongo, neleki wan feti-owru.+

Den ogri-ati sani di den e taki, de leki peiri di wan sma seti+

 4 Fu sutu na tapu wan trawan komoto fu wan kibripe, aladi a sma no du nowan ogri.+

Wantronso den e sutu kon na en tapu.+

 5 Ibri yuru na soso ogri den e taki.+

Den e taki fa den o seti trapu gi trawan.+

Den taki: „Suma o si den?”+

 6 Den e sidon prakseri sortu ogri den o du.+

Iya, na wan triki fasi den meki mofo fu du wan ogri. Den no fruteri nowan sma.+

Den bere dipi, iya, sma no kan sabi san de na ini den ati.+

 7 Ma Gado o sutu den nanga wan peiri wantronso.+

Den kisi mankeri.+

 8 Den e meki sma naki futu.+

Den srefi sani di den e winsi gi trawan, o miti den.+

Ala den wan di e si den, o seki den ede+

 9 Èn ala libisma o kon frede.+

Den o fruteri san Gado du.+

Iya, den o kon frustan den sani di Gado du.+

10 Den reti-ati sma o breiti nanga den sani di Yehovah du gi den èn den o suku kibri na en.+

Den sma di ati krin o prèise en.+