Gi a fesiman fu den sma di e prei „No kiri mi”-poku. Wan psalm fu Asaf.+ Wan singi.
75 Mi Gado, wi e taki yu tangi, iya, na yu wi e taki tangi.+
Yu de nanga wi.
Sma musu taki fu den bigi sani di yu e du.+
2 Gado taki: „Mi poti wan yuru gi misrefi.+
Ne mi bigin koti krutu na wan reti fasi.+
3 Grontapu nanga ala den sma di e libi na tapu ben frede so te, taki den ben e smèlter gowe.+
Na mi poti den pilari fu grontapu tanapu moro bun.”+ Sela.
4 Mi taigi den don sma: „No du dondon sani.”+
Mi taigi den ogri sma: „No meki bigi taki unu tranga.+
5 Nôno, un no musu meki bigi taki unu tranga kefalek.
No taki na wan heimemre fasi,+
6 Bika sma no abi fu denki taki yepi o komoto na owstusei, na west-sei,
Noso na zuidsei fu gi trawan glori.
7 Ma Gado na a krutuman.+
A e lagi suma a wani èn a e hei suma a wani.+
8 Yehovah e hori wan kan na ini en anu.+
A kan abi win na ini di e skuma èn di kan drungu sma.
A win nanga a sakasaka di de na ondrosei, a o kanti trowe.
Ala den ogri sma na grontapu o dringi a win, te na a sakasaka srefi.”+
9 Ma mi fu mi sei o fruteri sma a tori disi fu ala ten.
Mi o singi prèisesingi gi a Gado fu Yakob.+
10 Gado taki: „Mi o puru a makti na a anu fu den ogri sma.”+
Den reti-ati sma o kisi moro makti.+