Psalm
Wan psalm fu Asaf.
79 Mi Gado, den trakondre sma kon na ini a kondre fu yu.+
Den doti a santa tempel fu yu.+
Den meki Yerusalem kon tron wan brokopresi.+
2 Den meki den fowru di e frei na loktu, nyan den dedeskin fu den futuboi fu yu.+
Den meki den busimeti nyan a skin fu den wan di tai hori na yu.+
3 Na ini heri Yerusalem den feanti kanti a brudu fu yu pipel trowe leki watra
Èn nowan sma no de fu beri den.+
4 Den pipel na wi lontu kon si wi leki wan wisiwasi sani+
Èn den pipel di e libi krosibei fu wi, e spotu wi èn den e lafu wi.+
5 Yehovah, o langa yu o de nanga bigi atibron? Fu têgo?+
O langa yu ati o bron, neleki fa faya e bron sani?+
6 Puru atibron na tapu den pipel di no poti prakseri na yu+
Èn na tapu den pipel fu den kownukondre di no kari yu nen,+
8 No strafu wi gi den sondu fu den afo fu wi.+
Meki esi! Abi sari-ati nanga wi,+
Fu di wi de na bigi nowtu.+
9 Mi Gado, wi Frulusuman, yepi wi+
Fu yu bigi nen ede.+
Iya, frulusu wi èn tapu den sondu fu wi, so taki sma kan gi yu nen grani.+
10 Fu san ede den trakondre sma musu taki: „Pe a Gado fu den de now?”+
Meki wi si fa yu o pai den trakondre sma baka,+
Fu di den kiri den futuboi fu yu.+