Preikiman

6 Mi si wan sari sani e pasa na grontapu. Ala ten baka a e pasa nanga libisma. Mi si 2 taki a tru Gado e gi wan sma gudu nanga glori,+ so taki a no e mankeri nowan sani di a ben sa wani.+ Toku a tru Gado no gi en pasi fu nyan bun fu den gudu fu en.+ Na presi fu dati a kan taki wan trakondre sma+ srefi o nyan bun fu den. Disi na wan soso sani. A de leki wan takru siki. 3 Kande wan man e tron wan papa wán hondro tron+ èn a e libi furu yari langa, so taki a e kon owru te fu kaba.+ Toku a no e prisiri nanga den bun sani di a abi.+ Wan grebi srefi a no abi.+ Mi musu fu taki dati wan pikin di dede fosi a gebore, betre moro a man disi.+ 4 Na fu soso a pikin disi gebore èn te a o gowe, a o gowe na ini dungru. Dungru o tapu a nen fu en.+ 5 Son srefi a no si, iya, a no sabi san na son.+ Toku a pikin disi betre moro a man.+ 6 Kon meki wi taki dati a man ben libi tu dusun yari kaba, ma taki a no prisiri fu den bun sani fu a libi, sortu wini dati abi?+ A no na a wán presi ala sma e go?+

7 Ala a tranga wroko fu libisma na fu feni moni,+ so taki den kan furu den bere. Ma toku den no e kisi ala sani di den wani. 8 Dan fa wan koni sma betre moro wan don sma?+ Sortu bun a e du wan mofina sma te a sabi fa fu tyari ensrefi na mindri trawan? 9 A moro betre fu si sani nanga yu ai, leki fu go du nomo san yu ati e firi.+ Disi srefi na wan soso sani. Na winti nomo sma e feti fu fanga.+

10 Fu ala sani di de, Gado ben taki kaba san den de. Sma kon sabi san na wan libisma.+ Te wan libisma de na fesi a wan di tranga moro en, dan a no man opo taki gi ensrefi.+

11 Furu sani de di sma e du, ma di de soso sani.+ Sobun, sortu bun den sani dati e du libisma? 12 Iya, suma sabi sortu bun wan libisma o abi+ a heri pisi ten di a de na libi? A libi fu en di de wan soso sani èn di de leki wan skaduw,+ o kon na wan kaba. Suma kan taigi libisma san o pasa na grontapu, baka te den dede?+