Yesaya

20 Kownu Sargon fu Asiria ben seni+ Tartan+ fu go feti nanga a foto Asdod.+ Na ini a srefi yari dati a teki Asdod abra.+ 2 Na a ten dati Yehovah taigi Yesaya, a manpikin fu Amos:+ „Go puru+ a rowkrosi na yu skin+ èn puru den susu na yu futu.”+ Ne Yesaya du san a taigi en. Na so a ben e waka lontu sososkin èn sosofutu.+

3 Dan Yehovah taki: „Dri yari langa mi futuboi Yesaya waka lontu sososkin èn sosofutu leki wan marki+ èn wan warskow gi Egepte+ nanga Etiopia.+ A du dati fu sori den san o pasa nanga den. 4 Dati meki a kownu fu Asiria o tyari den sma fu Egepte nanga Etiopia gowe leki katiboman.+ Awinsi na yongu boi noso owru man, a o tyari den gowe sososkin èn sosofutu. A o priti den krosi fu den puru, so taki den bakasei o de fu si. Iya, Egepte o kisi bigi syen.+ 5 Den o frede èn den o syen te den e si san pasa nanga Etiopia èn nanga Egepte, fu di den ben e howpu na tapu Etiopia+ èn fu di den ben e si Egepte leki wan heri moi kondre.+ 6 Na a ten dati den sma di e tan na a sesyoro drape o taki: ’Luku san pasa nanga a kondre di wi ben e howpu na tapu, a kondre pe wi ben lon go suku yepi! Na en ben o frulusu wi fu a kownu fu Asiria!+ San o pasa nanga wi now?’”