Sari singi
א [Alef]
2 Yehovah tapu na umapikin fu Sion nanga wan blaka wolku, fu di en ati e bron nanga Sion!+
A trowe a glori fu Israel+ komoto na hemel kon na grontapu.+
Na a dei di a sori na atibron fu en, a no prakseri a futubangi fu en.+
ב [Bet]
2 Yehovah swari den tanpresi fu Yakob. A no ben sari nowan fu den.+
Fu di Gado ati bron, meki a broko den fortresi+ fu na umapikin fu Yuda puru.
A trowe a kownukondre+ nanga den granman+ fu en na gron,+ iya, a meki den lasi a santafasi fu den.
ג [Gimel]
3 Nanga bigi atibron, a koti ala krakti fu Israel trowe.+
A no yepi Israel di en feanti kon feti nanga en.+
Leki wan faya di e bron ala sani na en lontu, na so Gado en ati e tan bron nanga Yakob.+
ד [Dalet]
4 A trapu a bo fu en fu boigi en, neleki en na wan feanti.+ A sreka en reti-anu+ fu feti nanga den
Neleki wan feanti.+ A tan kiri ala den lobiwan fu wi.+
Neleki wan faya di e bron,+ na so a puru atibron na tapu a tenti+ fu na umapikin fu Sion.
ה [He]
5 Yehovah kon de leki wan feanti.+ A swari Israel.+
A swari ala den toren fu en pe sma e tan.+ A broko den fortresi fu en te na gron.+
A e meki taki na umapikin fu Yuda e sari èn e krei pasa marki.+
ו [Waw]
6 Neleki fa sma e broko wan kampu na ini wan dyari puru,+ na so a e broko en eigi kampu puru.+ A tapu a fesa fu en.
Yehovah meki taki sma na Sion frigiti san na fesa+ èn san na Sabat-dei.
Fu di a e krutu sma nanga atibron, meki a drai baka gi den kownu nanga den priester.+
ז [Sayin]
7 Yehovah drai baka gi na altari fu en.+ A e tegu gi a santa presi fu en.+
A gi den feanti pasi fu broko den skotu fu den fortresi fu a foto.+
Den ben e bari bun tranga na ini na oso fu Yehovah, neleki fa sma e du na wan fesadei.+
ח [Ket]
8 Yehovah ben abi na prakseri fu broko a skotu+ fu na umapikin fu Sion puru.
A marki en nanga wan titei.+ A no tapu ensrefi fu swari a foto.+
A meki taki a dan nanga a skotu e sari.+ Den ala tu kon tron wan broko sani.
ט [Tet]
9 Den portu+ fu en sungu gowe na ini a gron. A broko den bowtu fu a portu pisipisi.
A kownu nanga den granman fu en e libi na mindri den trakondre sma.+ Nowan sma e hori a wèt.+
Yehovah no meki den profeiti fu a foto kisi fisyun moro.+
י [Yod]
10 Den owru man fu na umapikin fu Sion e sidon na gron. Den no e taki noti.+
Den poti doti na tapu den ede.+ Den weri krosi di sma gwenti weri te den e sari.+
Den yongu uma fu Yerusalem saka kindi boigi te na gron.+
כ [Kaf]
11 Mi krei so furu, taki mi ai kon swaki.+ Mi heri bere e drai.+
Mi lefre trowe na gron,+ fu di na umapikin fu mi pipel fadon,+
Iya, fu di pikin-nengre nanga beibi de fu fadon flaw na den pren fu a foto.+
ל [Lamed]
12 Den pikin e aksi den mama: „Pe na aleisi nanga a win de?”+
Na disi den e aksi, fu di den de fu fadon flaw. Den de leki wan sma di trawan gi mankeri nanga wan feti-owru èn di e didon dededede na den pren.
Iya, den pikin e aksi disi, fu di den e didon dededede na a borsu fu den mama.
מ [Mem]
13 Sortu sani mi kan sori yu leki eksempre? Umapikin fu Yerusalem, nanga san mi o agersi yu?+
Umapikin fu Sion di no sribi nanga wan man ete, nanga sortu sani mi o teki yu gersi, so taki mi kan trowstu yu?+
A mankeri di yu kisi,+ bigi leki a se. Suma kan meki yu kon betre baka?+
נ [Nun]
14 Yu eigi profeiti fruteri yu fisyun di no warti noti. Na soso lei den fruteri yu.+
Den no sori yu san na den fowtu fu yu, so taki yu ben kan komoto na ini katibo,+
Ma doronomo den e fruteri yu fisyun di no warti noti. Den e tan taki sani fu kori yu.+
ס [Samek]
15 Ala den sma di ben e waka pasa na pasi, naki anu fu prisiri di den yere san pasa nanga yu.+
Den froiti+ èn den seki den ede+ di den yere san pasa nanga na umapikin fu Yerusalem. Den taki:
„Na fu a foto disi sma ben taki: ’Na a moro moi foto di de. Heri grontapu breiti nanga en.’”+
פ [Pe]
16 Ala den feanti fu yu opo den mofo fu taigi yu wan sani.+
Den e froiti èn den e tan kaw tifi, fu di den ati e bron.+ Den taki: „Wi o swari en.+
ע [Ayin]
17 Yehovah du san a ben abi na prakseri.+ A du san a ben taki.+
A du san a ben taki sensi owruten.+ A broko a foto puru èn a no ben sari den.+
A meki taki den feanti wini yu èn taki den e prisiri.+ A meki den feanti fu yu kisi krakti.*+
צ [Tsade]
18 Yu skotu fu na umapikin fu Sion,+ a pipel e bari kari Yehovah na ini den ati.+
Meki watra-ai fadon na gron dei nanga neti.+
No meki a kon so fara, taki yu no e firi noti moro. No meki yu ai tapu fu krei.
ק [Kof]
19 Opo! Ibri neti yu musu bari krei teleki musudei mamanten.+
Nanga watra-ai yu musu taigi Yehovah+ ala san de na tapu yu ati.+
Opo yu anu go na loktu+ fu begi en meki a kibri a libi fu den pikin fu yu
Di de fu fadon flaw, fu di angriten de na ala strati.+
ר [Resj]
20 Ke Yehovah, luku san e pasa.+ Mi e begi yu, poti prakseri na den sma di yu strafu so hebi.
Na nyan den uma musu tan nyan den pikin di komoto na ini den bere, iya, pikin di de gosontu?+
Na kiri sma musu kiri den priester nanga den profeiti na ini a santa presi fu Yehovah?+
ש [Syin]
21 Boi nanga granpapa+ e didon na gron na den strati.+
Sma kiri den yonkuman fu mi nanga den umapikin fu mi di no sribi nanga wan man ete.+
Yu kiri den na a dei di yu ati kon bron nanga den.+ Iya, yu kiri den+ èn yu no ben sari nowan sma.+
ת [Taw]