Sakaria
10 „Un musu aksi Yehovah fu gi unu alen+ na bakayari te alenten doro.+ Na Yehovah e meki den dungru wolku di e tyari alen kon.+ Na en e meki taki furu alen fadon,+ èn na en e meki taki nyanyan kan gro na den gron.+ 2 Bika den terafim-popki+ taki soso ogri, den fisyun di lukuman e si na soso lei,+ èn den dren fu den no wani taki noti. Awinsi san den e du, den no man trowstu sma.+ Dati meki a pipel o wakawaka lontu leki skapu di lasi pasi+ èn den o pina fu di den no abi skapuman.+
3 Mi ati e bron srefisrefi+ nanga den skapuman. Mi o aksi frantwortu+ fu den fesiman di de leki bokoboko.+ Yehovah di e tiri den legre poti prakseri now na den sma fu Yuda di de leki den skapu fu en.+ A meki den kon de leki en tranga asi+ di a e rèi te a e go feti. 4 Na fu Yuda wan edeman+ o komoto. Na fu en wan tiriman o komoto di e horibaka gi en.+ Na fu en wan bo o komoto di sma e gebroiki fu feti.+ Iya, na fu en ala den fesiman komoto.+ 5 Den o tron leki tranga man+ di e trapu a tokotoko na strati te den e go feti.+ Den o go feti, bika Yehovah de nanga den.+ Den feanti fu den di e rèi na tapu asi o kisi syen.+ 6 Mi o meki den sma fu Yuda kon moro prenspari leki tra sma, èn mi o frulusu den sma fu Yosef.+ Mi o gi den wan tanpe èn mi o abi sari-ati gi den.+ A o de leki noiti mi ben drai baka gi den.+ Mi na Yehovah den Gado èn mi o piki den.+ 7 Den sma fu Efrayim o kon tron leki wan tranga man.+ Den o prisiri neleki te den dringi win.+ Den eigi manpikin o si den sani disi èn den o prisiri tu,+ iya, den o prisiri srefisrefi fu Yehovah ede.+
8 ’Mi o froiti+ gi den èn mi o tyari den kon na wán. Mi o frulusu den+ èn den o kon furu leki tra pipel di kon furu tu.+ 9 Leki siri mi o panya den na mindri den pipel+ èn den o memre mi na den farawe presi.+ Den nanga den manpikin fu den o kisi krakti baka èn den o drai kon baka.+ 10 Mi o puru den na Egepte èn mi o tyari den kon baka.+ Mi o puru den na Asiria èn mi o tyari den kon na wán.+ Mi o tyari den go na a kontren fu Gilead+ nanga Libanon, fu di nofo presi no o de gi den.+ 11 Te mi o pasa na ini a se, a se o de na ini banawtu+ èn mi o naki den skwala fu en.+ Ala a watra fu Nijl-liba o kon drei.+ Mi o puru bigifasi gi Asiria+ èn mi o puru a kownutiki fu Egepte.+ 12 Na mi, Yehovah, o meki den kon bigi+ èn den o libi na wan fasi di e gi mi nen glori’,+ na so Yehovah taki.”