4 fu di den manpikin fu Yosef ben tron tu lo:+ Manase+ nanga Efrayim.+ Den Leifisma no ben kisi wan pisi fu a kondre. Na presi fu dati den kisi wan tu foto+ pe den ben kan go tan. Den kisi den gron lontu den foto disi sosrefi. Na drape den meti fu den ben kan go nyan grasi èn den ben kan poti den tra gudu fu den drape tu.+

5 Den nen fu den manpikin fu Ruben+ kari dyaso na ondrosei. Ruben ben de a fosi manpikin+ fu Israel, ma fu di a ben go didon nanga a wefi fu en papa,+ meki a lasi a reti di a ben abi leki a fosi manpikin. Na den manpikin fu Yosef,+ a manpikin fu Israel, ben kisi a reti dati. Dati meki sma no ben skrifi na ini lantibuku taki na Ruben ben abi a reti di a fosi manpikin ben abi.