16 Na den uma disi Bileam ben seni kon fu kori den Israelsma. Dati meki den Israelsma drai baka gi Yehovah+ di den ben de na Peor.+ Na den uma disi meki taki Yehovah strafu a pipel.+

8 Wi no musu libi wan hurulibi tu, soleki fa sonwan fu den ben e huru,+ bika dati meki taki tutenti na dri dusun fu den dede na ini wán dei.+

14 Ma toku mi si wan tu sani na yu di mi no feni bun: Son sma de na yu drape di e horibaka gi a leri fu Bileam.+ A ben leri Balak+ fa fu meki den Israelsma du sondu. A ben meki den Israelsma nyan sani di ben gi leki srakti-ofrandi na den kruktugado èn a ben meki den du hurudu.+