13 Kownu Yosia meki taki den hei presi di ben de na fesi+ Yerusalem, na a reti-anusei fu Brokopresi-bergi, no ben bun moro fu sma go anbegi den gado fu den. Na Kownu Salomo+ fu Israel ben meki den hei presi disi gi Astoret,+ a tegu sani fu den Sidonsma, gi Kamos,+ a tegu sani fu den Moabsma èn gi Milkom,+ a tegu sani fu den Amonsma.

17 Dan a taigi mi: „Manpikin fu libisma, yu si san den e du? Den sma fu Yuda denki taki den no e du wan bigi ogri, te den e du den tegu sani fu den dyaso? Den furu a kondre nanga ogridu.+ Now den e meki mi ati bron baka, fu di den e langa wan tegu sani kon na mi noso.