24 Bika te den Israelsma tyari a di fu tin pisi fu den sani fu den gi Yehovah, dan mi o gi dati na den Leifisma. Dati meki mi taigi den taki den no o kisi wan famirigudu neleki den tra Israelsma.”+

9 Fu dati ede den Leifisma no o kisi wan pisi fu a kondre èn den no o kisi wan famirigudu+ neleki den tra Israelsma. Ma den abi a grani fu du spesrutu wroko gi Yehovah, soleki fa Yehovah un Gado ben taigi den.+

29 Dan un musu kari son sma na ini a foto fu kon nyan teleki den bere furu. Kari sma soleki den Leifisma+ di no o kisi wan pisi fu a kondre èn di no o kisi wan famirigudu neleki unu, den trakondre sma di e tan na un mindri,+ den pikin di no abi papa, nanga den uma di den masra dede.+ Te unu du dati, dan Yehovah un Gado o blesi+ ala sani di unu o du.+

14 A wan-enkri lo di no ben kisi noti, ben de a lo fu den Leifisma.+ Soleki fa Yehovah, a Gado fu Israel, ben pramisi den,+ dan den ben o kisi wan pisi+ fu den ofrandi di sma ben o tyari go bron+ gi Gado.