47 Ma a kontren pe den sma fu a lo fu Dan ben e libi, ben pikin tumusi+ gi den. Ne den opo go feti nanga den sma fu Leisem+ fu teki a foto dati abra èn den kiri ala den sma fu a foto nanga feti-owru. Ne den teki a foto abra èn den go libi drape. Den kenki a nen fu a foto Leisem kon tron Dan, soleki fa na afo fu den ben nen.+

7 Dan den feifi man go moro fara, teleki den doro na a foto Lais.+ Den si taki den sma na ini a foto dati ben e libi soleki fa den Sidonsma gwenti libi. Den ben abi ala sani di den ben abi fanowdu, fu di den ben gwenti sorgu gi den eigi sani. Nowan dyugudyugu ben de drape èn den sma no ben e frede taki trawan ben kan du den ogri.+ Nowan ogri-ati tiriman ben e kwinsi den. Boiti dati, den ben e libi farawe fu den Sidonsma+ èn den no ben e bumui nanga tra sma.