5 Un musu kiri+ a profeiti+ dati noso a sma di e fruklari dren, bika na so a e gi unu deki-ati fu opo unsrefi teige Yehovah un Gado di frulusu unu èn di puru unu na ini Egepte pe unu ben de srafu. A sma dati ben wani taki unu no musu libi soleki fa Yehovah un Gado taigi unu fu libi.+ Un musu puru ala ogri na un mindri.+

15 Efu unu no arki san Yehovah un Gado taki èn unu no e hori den komando nanga den wèt fu en di mi e taigi unu tide, dan wan lo ogri o miti unu. Fu tru, ala den ogri sani disi o pasa nanga unu:+

16 Baka dati Yehovah taigi Moses: „Yu o go rostu now, neleki den afo fu yu.+ Te a pipel disi de na ini a kondre pe den o go,+ dan den o bigin+ anbegi tra gado,* iya, den gado o de leti na den mindri srefi. Den o gowe libi mi+ èn den no o hori a frubontu di mi meki nanga den.+