7 Na so den Israelsma du sani di Yehovah no feni bun. Den frigiti Yehovah, a Gado fu den+ èn den go anbegi den Bâal-gado+ èn den santa postu.+

6 Ma agen den Israelsma bigin du sani di Yehovah no feni bun.+ Den go anbegi den Bâal-gado,+ den Astoret-popki+ èn den gado fu den Siriasma,+ den Sidonsma,+ den Moabsma,+ den Amonsma,+ nanga den Filisteasma.+ Na so den gowe libi Yehovah èn den no ben e dini en moro.+

3 Dati meki Samuel taigi ala den sma fu Israel: „Efu unu wani drai kon baka na Yehovah trutru,+ dan un musu puru den gado fu den trakondre sma na un mindri.+ Puru den Astoret-popki+ na un mindri tu èn teki a fasti bosroiti fu dini Yehovah wawan.+ Dan a o frulusu unu fu den Filisteasma.”+

5 Na so Salomo go dini Astoret,+ na umagado fu den Sidonsma. A go dini Milkom+ tu, a tegu gado fu den Amonsma.

13 Kownu Yosia meki taki den hei presi di ben de na fesi+ Yerusalem, na a reti-anusei fu Brokopresi-bergi, no ben bun moro fu sma go anbegi den gado fu den. Na Kownu Salomo+ fu Israel ben meki den hei presi disi gi Astoret,+ a tegu sani fu den Sidonsma, gi Kamos,+ a tegu sani fu den Moabsma èn gi Milkom,+ a tegu sani fu den Amonsma.