3 Broko den altari fu den+ èn naki den santa pilari fu den panya.+ Bron den santa postu fu den+ èn koti den popki trowe+ di den e anbegi leki gado. No libi nowan sani di e memre sma na den gado disi.+

4 Na Heskia broko den hei presi puru pe sma ben e anbegi falsi gado.+ A broko ala den santa pilari pisipisi+ èn a koti a santa postu+ puru. Boiti dati, a teki a kopro sneki+ di Moses ben meki,+ dan a broko en pisipisi. Te na a ten dati den Israelsma ben e tyari smoko-ofrandi+ gi a kopro sneki. Den ben e kari en ’a kopro snekigado’.+

31 Di a fesa kaba, den Israelsma+ di ben de na Yerusalem, go na den difrenti foto fu Yuda.+ Ne den broko den santa pilari pisipisi,+ den koti den santa postu trowe,+ den broko den hei presi puru+ pe sma ben e anbegi falsi gado nanga ala den altari+ di ben de na Yuda,+ Benyamin, Efrayim,+ nanga Manase.+ Di den kaba du disi, dan ala den Israelsma drai go baka na den foto fu den. Ibriwan fu den drai go baka na en eigi oso.